Tabernetako terrazak lehengoratzeko eskatu du Udalak

Deskonfinamenduan, tabernek irekitzeko baimena jaso zutenean, Udalak aukera eman zien tabernariei terrazak zabaltzeko. Orain, neurriak lehengora itzultzeko eskatu dute.

Konfinamenduaren ondoren, herritarrek berriz kalera irteteko aukera izan eta aste gutxira, ostalaritza establezimenduek euren ateak zabaldu zituzten Espainiako eta EAEko Gobernuek baimenduta. Udalerri askok, tartean Orioko Udalak, herriko taberna eta jatetxeei terraza handitu eta zabaltzeko aukera eman zieten, segurtasun distantziak eta bezero kopurua mantendu ahal izateko.

Udalak adierazi du momentuan hartutako erabaki bat izan zela, ostalariei laguntzeko. Udalak agindua emana du jada terraza guztiak lehengoratzeko, eta jakitera eman duenez, tabernari gehienek berehala murriztu eta lehengo neurrietara ekarri dute beraien terraza. Establezimendu gutxi batzuk, aldiz, ez; egun hauetan udaltzainen bisita jasoko dute eta jakinarazpen bana emango zaie.

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 36 euro besterik ez dira!


Izan zaitez KARKARAko laguntzaile!