Salbuespeneko espetxe politikarekin amaitzeko eskatuko du Etxeratek igandean hondartzan

Gorka Peñagarikano Goikoetxea 2020ko uzt. 29a, 17:19
Elkarretaratze bateko irudia, iaz

Beste urte batez, Gipuzkoako sei hondartzatan egingo dute ekitaldia, tartean Orion eta Zarautzen; eguerdian izango dira biak, 12:00etan. Orotara, Euskal Herriko 16 herrietan deitu dute mobilizatzera.

"Bada garaia euskal presoen familiakoei, seme-alabei, gurasoei eta lagunei ezartzen zaien zigorrarekin eta sufrimenduarekin amaitzeko; bizirik eta etxean nahi ditugulako", adierazi du euskal preso eta iheslarien Etxerat elkarteak. Hargatik, salbuespenezko espetxe politikaren berehalako eta behin-betiko amaiera eskatuko dute Euskal Herriko 16 hondartzatan egingo dituzten mobilizazioetan. Tartean, Orion: 12:00etan elkartuko dira autopistako zubiaren azpian, ondoren hondartza aldera joateko.

"Euskal gizarteak aurrera egin nahi du konponbidean eta bakean, bizikidetzan, eta, beraz, ezin dugu onartu estatuek ehunka familien sufrimenduari eustea; izan ere, milaka pertsonek jarraitzen dute espetxe-salbuespenaren ondorioak jasaten", adierazi dute oharrean.

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 40 euro besterik ez dira!


Izan zaitez KARKARAko laguntzaile!