Gure Zirkuak irailaren 13ra arte luzatu ditu Orioko emanaldiak. Hilaren 5ean, udari bukaera ematen joateko, Gozategik kontzertu berezia emango du Gure Zirkuaren karpan. Jakitera eman dutenez, azkar saldu zituzten emanaldirako txartelak.
Udan zehar, denera 10.000 ikusle pasa dira zirkuko karpatik, eta arduradunak pozik agertu dira funtzioek izan duten harrerarekin. Nabarmendu dutenez, emanaldiak koronabirusa saihesteko segurtasun neurri guztiak gordez egin dituzte, eta ez dute inolako arazorik izan.
Iraileko emanaldietarako sarrerak Gure Zirkuaren webgunean uneoro eros daitezke, eta txarteldegian ere bai, egunero, 17:00etatik aurrera.