Amaitzear da aurtengo uda, eta film emanaldien zikloa ere bukatzear da Orion. Izatez, abenduaren 28rako prestatu zuten Glass lanaren emanaldia, baina eguraldia zela eta, atzeratu egin behar izan zuten. Hala, bihar, irailak 11, emango dute. Ohi bezala, Orioko plazan izango da, 21:30ean hasita.
Beldurrezko eta suspentsezko filma da Glass, eta M. Night Shyamalanek egin zituen zuzendari lanak. Besteak beste, Bruce Willis, James McAvoy eta Samuel L. Jackson aktoreek hartu zuten parte lan honetan.
Segurtasun-neurriek indarrean jarraituko dute emanaldian: bertaratzen direnek maskara jantzita eraman beharko dute, eta segurtasun-distantziak mantenduko dituzte aulkitik aulkira.