Euskaraldia 2020

"Gure establezimenduetan euskararen presentzia handitzen ahalegindu beharko genuke"

Aiora LarraƱaga Solaberrieta 2020ko ira. 23a, 16:18

Azaroaren 20tik abenduaren 4ra egingo da aurten, bigarrenez, Euskaraldia, eta hainbat berrikuntza izango ditu. Izan ere, aurten, norbanako bezala (ahobizi edo belarriprest izanez) parte hartzeko aukeraz gain, taldean egiteko aukera ere egongo da arigune-en bidez.

Orion, esaterako, hainbat merkatari, ostalari eta eragilek osatu dute Euskaraldia babesten eta sostengatzen duen hamalaukoa. Entitateek izena emateko epea irailaren 27an bukatuko da, eta urritik aurrera irekiko dute norbabakoak inskribatzeko aukera. 

Kutixi kafetegia da Euskaraldian parte hartuko duen establezimenduetako bat. Hau, Nerea Etxeberria hango arduradunaren testigantza:

"Kutixin lan egiten dugun guztiak euskaldunak gara eta ingurua euskalduna dugu. Horregatik, lehen hitza euskaraz egiten saiatzen gara beti kafetegian, nahiz eta ez dakienarekin gaztelaniaz hitz egiten dugun. Dena dela, uste dut ostalariok eta merkatariok badugula zer hobetua arlo horretan. Ahalegindu beharko genuke euskararen presentzia handitzen gure establezimenduetan. Izan ere, bezeroei zuzendutako oharrak erdaraz idazteko ohitura izaten dugu, horrela herritar guztiek ulertuko dutela pentsatuta. Batzuetan euskaraz modu zuzenean idazten ez dakigulako ere hartzen dugu erabakia. Keinu txikiekin urrats garrantzitsuak egin ditzakegu euskara sustatzeko."

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 40 euro besterik ez dira!


Izan zaitez KARKARAko laguntzaile!