N-634 errepidea moztuko da datorren asteartean, Espainiako txirrindularitza itzuliagatik

Txirrindulariak herritik 14:00ak aldera pasako direla aurreikusten dutenez, 13:00etatik 15:00etara egongo da itxita errepidea.

Espainiako itzuliko lehen etapa jokatuko da urriaren 20an. Txirrindulariak Oriotik pasako dira Irundik Arratera jokatuko den etapan, eta,  horregatik, N-634 errepidea itxita izango da 13:00etatik 15:00etara. Lasterketaren martxaren arabera, baliteke lehentxeago ireki ahal izatea, baina ez da segurua.

Lasterketa Donostiatik iritsiko da Oriora, eta Zarautz aldera jarraituko du. Udalak jakitera eman duenez, bi norabideetan egongo da itxita errepidea. Eguerdi buelta horretan herrian autoen mugimendua egoten denez, garaiz eman nahi izan dute abisuaren berri, errepide-mozketaren eragina sufrituko dutenek denbora izan dezaten beren joan-etorriak antolatzeko.

 

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 36 euro besterik ez dira!


Izan zaitez KARKARAko laguntzaile!