Samara Velte kazetariak ireki du Orioko Ahalduntze Eskolak gaurko prestatutako egitaraua. "Indarkeria matxistaren irudikapenaren inguruan" jardun du zarauztarrak, prozesu horretan "komunikabideek eta diskurtso juridikoek" betetzen duten funtzioa aztertuz. Horretarako, 2016ean Iruñean jazo zen talde bortxaketa bat hartu du adibidetzat: sanferminetan emakume bat eraso zuten bost gizonek, eta erasotzaileen aurkako sententziak jasotako edukiak nahiz hedabideek argitaratutakoak izan ditu hizpide.
Jarraian izango dira gainontzeko bi saioak: Ziberindarkeria matxistak eta erresistentziak sarean hitzaldia Esti Linaresen eskutik, eta Palabras Dislocadas. Conversación sobre abusos sexuales en la infancia, Susana Minguellekin. Izatez, arratsaldean egitekoa zen Minguellen hitzaldia, baina COVID-19a dela eta, saio guztiak jarraian egitea erabaki dute antolatzaileek. Hala, 14:30ean amaituko da gaurko jardunaldia.