Ohitura da gaurko egunez, Gabon egunean, kantu eskean ateratzea. Aurten, COVID-19aren pandemia dela eta, herriko kaleak ez dira baserritarrez jantzitako haur eta gurasoz eta Gabonetako abestien doinuez beteko. Dena dela, Gabonetako magiari eusten saiatu dira herriko eskolak, eta aurreko egunetan bisita berezia izan dute ikasleek: Mari Domingi izan da Ikastolan, eta Olentzero eta Mari Domingi bertatik bertara ikusteko aukera izan dute Zaragueta Eskolako ikasleek.
KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 40 euro besterik ez dira!