Azken hiru egunetan, Orioko haurrek Errege Magoentzako gutunak utzi dituzte pilotalekuan, Txurrumuski elkarteak jarritako buzoi handian. Gutun horiek jasotzera etorriko da Bizarzuri 13:00etan, gero Meltxor, Gaspar eta Baltasarri eramateko, eta momentu hori hemen ikusteko aukera egongo da, Orioko Udalaren eskutik.
Bizarzurik kartero-lanak egiten ditu urtero Meltxor, Gaspar eta Baltasar erregeentzat, eta gaur goizean Oriora etortzeko abisua jaso du, herriko haurren gutun pila dauzkalako jasotzeko pilotalekuan. 13:00etan etorriko da, eta ordu horretan ikusi ahalko da haren bideoa webgune honetan nahiz udalaren webgunean.
19:00etan, berriz, Errege Magoak ikusteko aukera izango dute haurrek beste bideo batean.
KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 40 euro besterik ez dira!