Ourensen, Castrelo de Miñoko Parke Nautikoan jokatu ziren atzo, larunbata, Distantzia Luzeko XI. Espainiako Txapelketako lehiak. Oriotarrak ere bertan izan ziren, bi ontzirekin.
Batetik, gizonezko absolutuetan skiff bakarkakoan Oihan Gozategi lehiatu zen, eta 19. postuan sailkatu zen (58 partaidek hartu zuten parte). Bestetik, gizonezko absolutuetan, lemazain gabeko bikoan parte hartu zuten Imanol Garmendiak eta Jon Carazok, eta horiek bosgarren sailkatu ziren, 19 partaideko txapelketan.
Azken horiek zorte txarra izan zuten, estropada hasi orduko lema apurtu zitzaielako. Hala ere bosgarren egin zutenez, pentsatzekoa da ezbehar hori gabe podiumera igoko zirela, iaz bezala.