Bihar goizean ere Txanka-hondartzako bidea erabili beharko da herririk ateratzeko

Ur-arketa bat konpontzeko lanak egingo dituzte bihar, 09:00etatik 11:00etara bitartean. Lanak bukatu arte, autoek Txanka-hondartzako bidea erabili beharko dute herritik irteteko.

Xixario inguruan ur-arketa bat konpontzeko lanak egingo dituzte bihar ere. Orioko Udalaren esanetan, marea biziak direnean ura sartzen da arketan, eta bihar egingo dituzte "ondo zigilatzeko" lanak, marea biziak orduan izango direla aprobetxatuta. 09:00etatik 11:00etara egingo dituzte obrak.

Lanak egiten diren bitartean, baina, autoek ezingo dute eremu horretatik igaro herritik ateratzeko. Denbora tarte horretan, hortaz, Txanka-hondartzako bidea erabili beharko da Oriotik irteteko. Herrira sartzeko, ordea, ohiko bidea erabili ahal izango dute autoek, Xixario inguruan desbideratuta.

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 36 euro besterik ez dira!


Izan zaitez KARKARAko laguntzaile!