Hondarribiko XXI. Traineru Jaitsiera jokatuko da gaur arratsaldean. Traineru denboraldirako test edo proba bezala hartuko dute parte hartuko duten klubek, ontzi bakoitza zer egoeratan dagoen ikusteko.
Emakumezkoen eta gizonezkoen mailatan jokatuko da estropada, eta Orio Arraun Elkarteak maila bakoitzean ontzi bana aurkeztuko du.
16:00etan hasiko da testa, emakumezkoen ontzien jaitsierarekin. Hamabi ontzi arituko dira, eta Orioko trainerua 16:10ean aterako da. Emakumezkoek amaitu bezain pronto aterako dira gizonezkoak. Hemeretzi ontzi uretaratuko dira kategoria horretan, eta 16:28an izango da Orioren txanda.