Imanol, Orioko banderarekin Sevillan

Gipuzkoako udalerri guztietako banderak jarri dituzte Realeko jokalariek Sevillan ostatu hartu duen hotelean. Atzo, Imanolek argazki hau atera zuen Orioko bandera horiarekin.

Realeko gizonen taldea Sevillan da dagoeneko, eta hasi da Espainiako Errege Koparen finalerako atzera kontaketa. Atzo iritsi zen taldea Andaluziako hiriburura, eta han ostatu hartu duen hotelean sorpresatxo bat izan zuten taldeko kideek: izan ere, hotelerako sarreran Gipuzkoako udalerri guztietako banderak jarri zituzten haiek iristerako. Gipuzkoako jokalariek beren herrietako banderekin atera zituzten argazkiak, eta Imanol Alguacil ez zen salbuespena izan; oriotarrak Orioko Udalaren banderarekin atera zuen argazkia.

Honako lotura honetan ikus daiteke jokalarien iritsierako irudiekin Realak egin duen bideoa.

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 40 euro besterik ez dira!


Izan zaitez KARKARAko laguntzaile!