Martin Iriondok lasterketa bikaina egin zuen lehengo larunbatean Donostian. 1.000 metroko proban parte hartu zuen korrikalari gazteak, eta Espainiako urteko markarik onena lortu zuen, 16 urtez azpikoen mailan: 2:35:22.
Denboraldiko azken lasterketa garrantzitsua hilabete eta erdi barru jokatuko du Iriondok, eta Espainiako 3.000 metroko txapelketa irabazten saiatuko da. Larunbateko lasterketa test modura baliatu zuen, eta Kamel Ziani Atletismo Taldeko kideak aurretik tiraka izan zituen, erreferentziak markatuz. Hala, buruan zuten denbora jaistea lortuta itzuli ziren etxera.