Sunhai Huegun finalerdietaraino iritsi da Espainiako txapelketako 600 metroko proban

IƱigo Gaiton 2021ko uzt. 21a, 09:57

16 urtez azpikoen Espainiako atletismo txapelketa jokatu zen asteburuan Lleidan (Herrialde Katalanak), eta Huegunek "lan bikaina" egin zuela azaldu dute Orioko Atletismo Taldeko ordezkariek.

Orioko Atletismo Taldeko korrikalariek oraindik martxan jarraitzen dute, denboraldiko azken txapelketetan lehian. Lehengo asteburuan, Sunhai Huegunek Lleidara bidaiatu zuen taldeko entrenatzaileekin batera, 16 urtez azpikoen Espainiako atletismo txapelketan parte hartzeko.

Korrikalari gazteak finalerdietaraino iristea lortu zuen lehiaketan, eta 600 metroko proban hamabigarren denbora onena lortuta itzuli zen etxera. Taldeko ordezkariek azaldu dutenez, "lan bikaina" egin zuen Huegunek, eta esperientzia "ezinhobea" izan zuen txapelketan. Izan ere, halako txapelketetan "maila izugarria" izaten dela azaldu dute, eta hori kontuan izanik, balio handia dulea lasterkari gazteak lortutakoak.

 

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 40 euro besterik ez dira!


Izan zaitez KARKARAko laguntzaile!