Orioko gizonezkoen txalupak estropada ona egin du Castron (Kantabria), eta bigarren izan da Hondarribiaren atzetik. Jon Salsamendiren tripulazioak lehiakorra dela erakutsi du gaur ere, eta estropadaren zati handi batean, atzetik joan arren, berdeei eusteko gai izan dira. Hondarribiak azken luze aparta egin du, eta helmugan, ia 10 segundoko aldearekin gailendu da.
Santurtzik ez du estropada ona egin gaur, baina oraindik ere, ligako lider izaten jarraitzen dute. Oriori dagokionez, laugarren postuan gehixeago egonkortu dira, eta bihar ere Ohorezko txandan egingo dute arraunean.
Sailkapena:
Hondarribia: 20:25,96
Orio: 20:35,50
Donostiarra: 20:40,16
Santurtzi: 20:46,44
Cabo: 20:50,50
Bermeo-Urdaibai: 20:53,70
Ondarroa: 21:09,14
Ares: 21:13,02
Lekittarra: 21:14,50
Tiran: 21:31,60
Zarautz: 21:33,22
