Irabazi asmorik gabeko Zainbizi elkartea aurkeztu dute

Jakinmina sortu du elkarte berriak eta 60 lagunetik gora izan dira aurkezpenean. "Ilusioz eta herritarrei sostengua eskaintzeko gogoz" daudela adierazi dute sortzaileek.

Joan den ostiralean Zainbizi elkartea aurkezteko ekitaldia egin zuten Arraunetxen. Amaia Gozategi eta beste hainbat kide dira irabazi asmorik gabeko elkarte horren sortzaileak, eta "oso pozik" daude izan zuten harrerarekin.

"Emozioz jositako ekitaldia" izan zela adierazi dute antolatzaileek. "Ipuin kontalariarekin eta clown saioarekin barre ederrak egiteko aukera izan genuen, eta ekitaldia goxo goxo ixteko, musika izan genuen". 60 bat herritar bertaratu ziren elkartearen aurkezpenera, eta beste zenbait online jarraitu zuten ekitaldia. Dagoeneko abian dira, "ilusioz eta herritarrei sostengua eskaintzeko gogoz".

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 40 euro besterik ez dira!


Izan zaitez KARKARAko laguntzaile!