Joan den astean hasita, herri guztiko arketak aldatzen ari dira Gipuzkoako Ur Kontsortzioko langileak. Lanak datorren astean bukatzea espero dute; ondorioz, datozen egunetan ere errepide mozketak egingo dituzte langileak lanean ari diren lekuan.
Udalak jakinarazi duenez, ostirala bitartean hondartza inguruan eta Eusko Gudarien kalean ibiliko dira langileak. Zehazki, atzo, astelehena, hondartza inguruko arketak aldatu zituzten; eta gaur eta bihar Eusko Gudarien kalekoak aldatuko dituzte. Trafiko handiko gunea izaki, udaltzainak jardungo dira autoak bideratzen, ilararik sortu ez dadin.
Arketak aldatzen ari dira autoak gainetik pasatzean zaratarik atera ez dezaten. Tapa berriak jartzen bakarrik ari dira; beraz, ez dute aldaketarik egingo euri uren, saneamendu sarearen eta Euskaltelen zuntzaren kanalizazioan.