Abenduaren 6an IV. Kamel Ziani krosa egingo dute Orion

Haurrek eta gaztetxoek parte hartu ahal izango dute lasterketan. Eguerdi artean jokatuko da, mailaz maila, zaharrenetatik gazteenetara. Muntoko pasealekutik abiatuko dira korrikalariak.

Abenduaren 6an, San Nikolas jaietako egitarauaren barruan, IV. Kamel Ziani Krosa egingo dute herrian, Orioko Atletismo Taldeak antolatuta. Sei mailatan bereizita jokatuko dute txapelketa, eta parte hartzaileek beren adin tartera egokitutako distantzia osatu beharko dute. Krosa Muntoko pasealekuan hasiko da, futbol zelaiaren parean. Antolatzaileek jakinarazi dute benjamin mailakoek egunean bertan eman beharko dutela izena, 10:00ak baino lehen.

Ordutegia eta distantziak, mailaz maila:

  • 10:30ean: infantil mailako neskak; 1.500 metro egin beharko dituzte.
  • 10:55ean: infantil mailako mutilak; 2.000 metro egin beharko dituzte.
  • 11:15ean: alebin mailako neskak; 1.200 metro egin beharko dituzte.
  • 11:30ean: alebin mailako mutilak; 1.200 metro egin beharko dituzte.
  • 11:45ean: benjamin mailako neskak; 600 metro egin beharko dituzte.
  • 12:00etan: benjamin mailako mutilak, 600 metro egin beharko dituzte.
  • 12:30ean: sari banaketa.

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 40 euro besterik ez dira!


Izan zaitez KARKARAko laguntzaile!