Mikel Rekarteri adjudikatu zaio Zaharren Babeslekuaren kudeaketa

Udal ordezkariek aho batez onartu dute udaleko kontratazio mahaiak egindako proposamena. Rekarteren proposamenak 36,75 puntu lortu ditu.

Oraintxe bukatu da Orioko udal ordezkariek egin duten ezohiko udalbatzarra. Zaharren Babeslekuaren adjudikazioa onartzeko egin dute bilkura.

Idazkariak azaldu duenez, Mikel Rekarteren proposamenak 36,75 puntu lortu ditu guztira (proposamen teknikoa eta ekonomikoa batuta), eta Saioa Etxeberriak eta Isabel Lizasok egindakoak 31,89.

Puntuazio horiek kontuan izanik, udaleko kontratazio mahaiak Zaharren Babeslekuaren kudeaketa Mikel Rekarteri adjudikatzeko proposamena egin du, eta gaurko ezohiko bilkuran, udal orezkariek aho batez eman diote onarpena proposamenari, aldeko 13 botorekin.

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 40 euro besterik ez dira!


Izan zaitez KARKARAko laguntzaile!