Badator urteko aurreneko GUKA magazina

Urte berriarekin batera dator GUKA magazinaren atal berria. Ostiralean, 22:00etan hasita, ikusgai izango da UKTren tokiko webguneetan eta Erlo Telebistan. Besteak beste, Mikel Kazalis musikari zarauztarrari eta Orioko musikari Xabier Lizasori egindako Parean eta pareko elkarrizketaren aurrerapena, Zumaiako txakur krosaren inguruko erreportajea eta Urrutira joan gabe atalean Itxaspera egindako ibilaldia ikusteko aukera izango da ostiraleko saioan.

Ostiralean izango da ikusgai GUKA magazinaren denboraldi berriko hirugarren atala, 22:00etatik aurrera, Erlo Telebistan nahiz UKTren tokiko webguneetan; tartean Karkara.eus-en. Askotariko gaiak landuko dira saioan zehar, eta, besteak beste, Mikel Kazalis musikari zarauztarrari eta Orioko musikari Xabier Lizasori egindako Parean eta pareko elkarrizketaren aurrerapena, Urrestillako Gabon eskeari buruzko erreportajea, Imanol Aleson mendi korrikalari azkoitiarrari egindako elkarrizketa, Urrutira joan gabe atalean Itxaspera egindako ibilaldia eta Beizamako lehen sektoreaz egindako erreportajea izango dira ikusgai ostiraleko saioan. Zumaiako txakur krosak ere izango du bere lekua. 

Urola Kosta eskualdea osatzen duten txoko, istorio eta protagonistei ahotsa emateko helburuarekin sortu zuen Urolako Komunikazio Taldeak (UKT) GUKA magazina. Honako hau 2022ko urtarrileko atalaren aurrerapen bideoa da.

Ikusi GUKA magazinaren atal guztiak honako lotura honetan.

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 40 euro besterik ez dira!


Izan zaitez KARKARAko laguntzaile!