Zazpietan hasita, herrian barrena manifestazioa egin dute herritarrek, Emakumeen Nazioarteko Eguneko aldarriekin bat eginez. Xaltxerak talde feministarena izan da deialdia, eta irudietan ikus daitekeen modura, jende asko mobilizatu da. Batukadak girotu kale agerraldia, eta musikarik izan ez denean, herritarrek gogor oihukatu dituzte borroka feministaren aldeko aldarriak.
Ohi bezala, plazatik abiatu da manifestazioa, eta Bikamiotaraino joan dira, Eusko Gudari kalean barrena. Han buelta hartuta, plazaraino itzuli dira berriz. Udaletxearen aurrean jarrita, mobilizazioaren deitzaileek Euskal Herriko Bilgune Feministaren manifestua irakurri dute, eta segidan, hemen klik eginda ikus daitekeen modura, erre egin dituzte "emakumeak* zapaltzen dituen sistemaren" zenbait elementu; besteak beste, justizia patriarkala, genero rolak eta maitasun erromantikoa.
