Datorren astelehenean, tomate landaketari buruzko tailerra emango dute Orioko baratze parkean. Tomate landareak osasuntsu edukitzeko kontuan eduki beharrekoak (landaketa distantzia, zaintza, tratamenduak...) azalduko dituzte Ekoguneko kideek 18:00etatik 19:30era bitartean.
Horrez gain, Furgobaratza zerbitzua ere egongo da han egun berean, baratzeko gai orokorretan, plantel eta hazi ekologikoen inguruan etab. aholkularitza eskaintzeko.
Antolatzaileek nabarmendu dute saioa irekia dela interesa duen herritar ororentzat.