Euskal presoen egoera herriratzeko asmoz, Sare Eguna antolatu dute Orion larunbat honetarako, eta Etxerako bidea saretzen lelopean egingo dituzte ekintzak. 11:30ean, mendi martxa izango da autopistaren azpitik abiatuta. Ondoren, 13:30ean ekitaldia izango da plazan, eta 14:00etan bazkaria ikastolako pergolan.
Bazkaltzera joan nahi dutenek, antolakuntzarekin jarri behar dute harremanetan, 606066405 zenbakira deituta. Arratsaldean, 17:30ean hasita, Distopia elektrotxarangaren emanaldia izango da, eta horrekin batera, jokoak nahiz haurrentzako txokoa prestatuko dituzte.