Iritsi da Balearen Eguna. Eguraldi bikaina lagun, eta arrantzale jantziak soinean, kalean dira oriotarrak. Ume txikiak dituzten familiak eta gaztetxo kuadrillak izan dira kalera ateratzen aurrenak; 10:00etarako kultur etxe parean zeuden Pello eta Nikolasa erraldoiekin, buruhandiekin eta txistulariekin kalejira egiteko prest. Plazara iritsi direnean, Harribil dantza taldeko kideek hartu diete erreleboa. Emanaldi berezia eskaini diete herritarrei, eta txaloz eskertu diete haiek. 11:00etarako jendez lepo zegoen plaza, eta festa ez da hasi besterik egin.
KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 40 euro besterik ez dira!
Izan zaitez KARKARAko laguntzaile!
