Balea arrantza ospatzeko, herri bazkaria eta plaza dantzak

Arrantzaleei ongietorria egin ostean, herri bazkaria egin dute plazan. 250 lagun elkartu dira han, kabitzen ziren guztiak, eta giro bikaina izan dute bazkaltzeko garaian zein bazkalostean; postre garairako kantuan ari ziren zenbait.

Jarraian, plaza dantzak egitea zen asmoa, eta egin dituzte, baina pena izan da eguraldiak bat-batean jo duen aldaketa. Euriagatik kioskoaren alboak itxi egin behar izan dituzte, eta estu samar jardun behar izan dute. Dena dela, jendearen aldartean ez du eraginik izan ekaitzak, eta festak luze jarraituko duen itxura dauka. 20:00etan hasita, Orkestra Elektrotxaranga herrian barrena ibiliko da; eta 22:30etik aurrera DJ Arosekin dantzaldia izango da plazan.

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 40 euro besterik ez dira!


Izan zaitez KARKARAko laguntzaile!