Senior mailako Gipuzkoako Trainerilla Liga irabazi du Oriok. Udaberrian zehar jokatu dituzte ligako bost jardunaldiak, eta Oriok 43 punturekin lortu du sailkapen orokorreko lehen postua. Pasaian egin zuten azken jardunaldia larunbatean, eta hirugarren izan zen Orio. Ligari dagokionez, bigarren Getaria sailkatu da 38 punturekin, eta hirugarren Hondarribia 36 punturekin.
Ligako bandera etxera ekarrita ere, igandean berriro egin behar izan zuten arraunean estropalariek, larunbateko beste hiru sailkatu onenekin batera. Gipuzkoako Trainerilla Txapelketa izan zuten jokoan jardunaldi bakarreko lehiaketan, eta Hondarribia izan zen azkarrena. Bigarren postua Donostiarra sailkatu zen, eta hirugarrenean Orio, Getariaren aurretik.