Eragin eskubaloi klubak I. Eragin Eguna antolatu du ekainaren 18rako. Asmoa da urte osoan zehar eskubaloiaren bueltan dabiltzan jokalariak, entrenatzaileak eta euren familiak biltzea eta elkarrekin egun atsegina pasatzea.
Guraso eta jokalarien arteko lagunarteko partidak egingo dituzte goiz partean, eta ondoren trikipoteoa, bazkaria, erromeria eta jolasak izango dira. Herri bazkaria parte hartu nahi dutenek sarrerak salgai izango dituzte ekainaren 5era arte Mirotza, Sukia eta Boga Boga tabernetan eta Gelato kafetegian. Helduen menuak 25 euro balioko du eta gazteenak 15 euro. Zeliakoentzat, begetarianoentzat eta beganoentzat aukera egongo dela jakinarazi du elkarteak.
I. ERAGIN EGUNEKO EGITARAUA
- 09:45etik 13:00ak ingurura arte, eskubaloi partidak.
- 13:15ean, trikipoteoa Ikastola aurreko plazan hasita.
- 14:30ean, bazkaria Ikastola aurreko plazan Euskal Parrillaren eskutik.
- 16:30ean, Elortza eta Larrañagaren Jazpana erromeria
- 17:30ean, jolasak.
- 18:30ean, Elortza eta Larrañagaren Jazpana erromeria.