Orioko bost erakunde sartu dira Euskadiko Turismo Etikoaren Erregistroan

Aitortza jaso duten hainbat erakundetako ordezkariak, maiatzaren 23an egindako ekitaldian. (UKUE)

"Erantzukizun soziala eta jasangarritasun printzipioak eguneroko jardunean integratzeko lanari" egindako errekonozimendua jaso dute turismora bideratutako Zarauzko hamasei enpresak, Eusko Jaurlaritzaren eskutik.

Euskadiko Kode Etikoaren bueltan jasotako prestakuntza eta konpromiso ibilbidea osatu duten turismo eragileei Kode Etikoaren zigilua eskaini berri die Eusko Jaurlaritzako Turismo, Merkataritza eta Kontsumo Sailak, eta Araba, Bizkai eta Gipuzkoan errekonozimendua jaso duten 530 eragileetatik bost Oriokoak dira. “Erantzukizun soziala eta jasangarritasun printzipioak eguneroko jardunean integratzeko lanari” egindako errekonozimendua da bereizgarria, Urola Kostako Udal Elkarteak jakinarazi duenez.

Mankomunitatearen arabera, turismoarekin zeharkako lotura duten alderdi ugari lantzen da Kode Etikoaren barruan: hala nola bisitari eta turisten ulermena erraztea; berdintasun, aniztasun eta inklusio kontzeptuak; iraunkortasuna edota tokiko tradizioaren eta kulturaren gaineko babesa; eta zerbitzuen bikaintasun eta profesionaltasuna.

Bilboko Azkuna Zentroan egin zuten aitortza ekitaldia joan den maiatzaren 23an, Iñigo Urkullu lehendakariaren gidaritzapean, eta saritutako eskualdeko erakundeetako hainbat ordezkari izan ziren bertan.

Jardunbide egokien erregistroan gorde dute eragileon zerrenda, administrazioak aintzat har ditzan etorkizuneko turismo politiketan.

Ikusi hemen aitortza jaso duten eskualdeko eragileen zerrenda:
- Bodega Katxiña
- Orioko Kanpina
- Orioko Turismo Bulegoa
- Mirotza Rooms and Apartments
- Hotel Talaso Villa Antilla

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 40 euro besterik ez dira!


Izan zaitez KARKARAko laguntzaile!