Kalean da 'Baleatik baleara' mahai-jolasa

Ontzan, Zipristinen, The Passen eta Iturainen eskuragai dago, 15 euroan.

Orioko Udalak 150 ale erosi ditu, herriko hainbat zerbitzutan banatzeko: liburutegia, Eguneko Zentroa, Gaztelekua, Euskaltegia eta Gizarte Zerbitzuak. Zaragueta Herri Eskolak ikasturte amaierako egunean aurkeztu zuen jolasa, irakasle, guraso eta ikasleen arteko jai-giroa aprobetxatuz.

Orioko Curriculuma

Antzara-jokoa du oinarri Baleatik Baleara mahai-jolasak, eta bi helburu ditu: Orioko curriculumeko edukiak zabaltzea (herriko pertsonak, elkarteak, leku esanguratsuak, ohiturak…), eta "gazte zein helduek elkarrekin ondo pasatzeko baliabide" izatea. Zaragueta Herri Eskolak garatu du proiektua eta Eñaut Aiartzaguena komikilariak ilustratu du jolasa.

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 40 euro besterik ez dira!


Izan zaitez KARKARAko laguntzaile!