Uda iritsi da eta eduki interesgarriz beteta dator ikasturte honetako azken zenbakia. Oraingo honetan 70 hamarkadan herrira iritsi ziren familia marokoarrak sakonago ezagutzeko, Tiar eta El Ghailani familiekin hitz egin du KARKARAk erreportaje nagusia egiteko.
Traineru denboraldia hastear dela, herriko txalupa nagusien asmoen berri ere jakin nahi izan dugu. Horretarako, emakumezkoen txalupako entrenatzaile Patxi Frances, gizonezkoen taldeko arraunlari Fernando Rua eta Orio Arraunketa Elkarteko zuzendaritzako kide Maider Arrillaga elkarrizketatu ditugu. Horrez gin, Zaragueta Herri Eskolako kideek elkarlanean sortu duten Baleatik Baleara mahai-jolasak ere badu tokia uztaileko zenbakian.
Bestalde, Iñaki Iturainek, Oroimenaren Kutxa atalean, Kostako ferrokarrila izan du hizpide, eta Osasuna atalean, Oihane Agote psikologoak uda garaian gorputz-irudiaren inguruan sortzen diren kezkei aurre egiteko estrategiak azaldu ditu.
Ohiturari jarraituz, hurrengo zenbakia Kontxako Estropaden ondoren argitaratuko dugu, irailaren 16an, hain zuzen ere.