Hainbat motatako uretako puzgarriez gozatzeko aukera izan zuten atzo arratsaldean anbulatorio ondoko arranplara bertaratu ziren herritarrek. Haurrak, gaztetxoak nahiz helduak, jende ugari elkartu zen bertan, eta puzgarri batzuez gozatzeko itxaronaldi luzeak ere egin behar izan zituzten.
17:00etatik 19:00etara jarri zituen udalak berez San Pedro jaietan ekartzekoak ziren puzgarriak –orduan bertan behera utzi behar izan zituzten eguraldiagatik–, eta gozatua hartu zuten herritarrek.
Etxerakoan, haur batek baino gehiagok galdetu zien gurasoei ea gaur arratsaldean ere joaterik bazuten puzgarrietara. "Urtebete itxoin behar al da?", bateren batek, besoak gurutzatuta, haserre aurpegiarekin, gurasoen erantzuna entzundakoan.