Gaur dute azken eguna Danbolin musika eskolan izena eman nahi dutenek. Hiru bide jarri dituzte aukeran: telefonoz, 943-83 37 27 zenbakira deituta; posta elektronikoz, danbolinme@gmail.com helbidera idatzita; edo egoitzara bertara joanda (Iturbide kalea, 18).
Ondorengo ikasketak eskaintzen ditu musika eskolak:
- 1. maila (4, 5 eta 6 urtekoak): Musika eta mugimendua.
- 2. eta 3. maila (7 urtetik aurrera):
- Musika mintzaira (2. maila).
- Instrumentuak: txistua, klarinetea, saxofoia, flauta, trikitixa, tronpeta, biolina, gitarra klasikoa, eskusoinua, pianoa, perkusioa, panderoa, biolontxeloa, kantua eta gitarra elektrikoa.
- Euskal dantza.
Ikasturte honetako prezioak hauek izango dira:
- Musika eta mugimendua 1. eta 2. ikasturtea: 125 euro.
- Musika eta mugimendua 3. ikasturtea: 185 euro.
- Musika-mintzaira: 250 euro.
- Instrumentua (30 minutu): 345 euro.
- Instrumentua (40 minutu): 385 euro.
- Bigarren instrumentua: 655 euro.
- Dantza: 250 euro.
- Taldeak bakarrik: 70 euro.
Musika eskolak azaldu duenez, familiaren egoera ekonomikoaren arabera, badago aukera prezioen murrizketa eskatzeko, Orioko Udalak jarritako baldintza hauen arabera.