Laugarrena izan da Orio Orialki 2022ko Eusko Label Ligako sailkapen nagusian

Ander Etxegoien patroi onenaren mailota jasotzen Bermeoko estropdan. (Eusko Label Liga/Aitor Arrizabalaga)

Ander Etxegoienentzat izan da 2022ko Eusko Label Ligako patroi onenaren saria.

Gaur, Eusko Label Ligako azken jardunaldia jokatu da Portugaleten, El Corte Ingles Bandera. Erlojuaren aurkako estropada izan da. Lehenengo, datorren denboraldian Eusko Label Ligan aritzeko txartela jokatu dute play offetan: Samartolameu galiziarrak lortu du igoera eta Lekittarrak, berriz, mailari eustea lortu du.

Ondoren, Eusko Label Ligako bi txanda jokatu dira. Orio ohorezko txandan aritu da, eta hirugarren sailkatu da estropadan. Urdaibai izan da nagusi gaurkoan eta liga irabaztea ere lortu du, gainera; Hondarribia, berriz, bigarren sailkatu da estropadan eta ligako sailkapen nagusian. Bi taldeek azken jardunaldira arte lehia estua izan dute liga irabazteko, eta azkenean, balantza bizkaitarren aldera mugitu da.

Horrez gain, Orioko patroi Ander Etxegoien getariarrak irabazi du patroi onenaren saria 141 punturekin, Eusko Label Ligan.

ESTROPADAKO SAILKAPENA

1.- Urdaibai 19:22,64
2.- Hondarribia 10:30,14
3.- Orio 19:36,06
4.- Kaiku 19:47,70
5.- Donostiarra 19:49,14
6.- Getaria 19:56,56
7.- Zierbena 20:11,04
8.- Cabo 20:15,16

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 40 euro besterik ez dira!


Izan zaitez KARKARAko laguntzaile!