Orioren historiako elementu esanguratsuak biltzen dituen murala egiten aritu da Udane Juaristi artista azkoitiarra hondartzara bidean, kanpinaren kanpoaldeko horman. Ondo bidean, bihar bukatuko ditu hango eginbeharrak, eta KARKARA berarekin bildu da gaur, murala margotzeko prozesuaz hitz egiteko. Herritarren iritzia ere jaso da bideoan.
120 metrotik gorako horma irudia osatzeko, Orioko argazki zaharrak eta ilustrazioak izan ditu oinarri Juaristik, eta muralari batasuna emateko, zuri-beltzean margotutako figura errealistak kolore blokeekin tartekatu ditu, elementu tradizional eta modernoen arteko kontrastea eginez.
KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 40 euro besterik ez dira!