Ederki ibili dira Zaharren Babeslekuko kideak Andaluziara egindako bidaian

Aiora LarraƱaga Solaberrieta 2022ko ira. 26a, 12:13
Zaharren Babeslekuko kideak Chipionan, Aita Lertxundi apaiz oriotarraren estatuaren parean. (Zaharren Babeslekua)

Urrian abiatuko du Zaharren Babeslekuak ikasturte berria. Hala, urriaren 5ean, asteazkenarekin, denboraldiko lehen bingo saioa egingo dute.

Zaharren Babeslekuak ohiko ekimenei heldu die, eta irailean, elkarteko hainbat kide Andaluzian (Espainia) izan dira. Izurritearen aurretik, irailean urtero egin ohi zuten bidaia luze bat, eta aurten osasun egoera egonkortu dela ikusita, berrartu egin dute ohitura,  bi urteko etenaldiaren ostean. 41 lagun joan dira Andaluziako bidaiara, eta ederki pasa dutela adierazi du elkarteko presidente Txomin Iribarrek.

Bestalde, urrian abiatuko du ikasturte berria Zaharren Babeslekuak. Hala, urriaren 5ean, asteazkenean, lehen bingo saioa egingo dute Orioko Kultur Etxean. Ondoren, azarorako, egun-pasa antolatu dute Arantzazura.

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 40 euro besterik ez dira!


Izan zaitez KARKARAko laguntzaile!