Gaztearen XXXI. Maketa Lehiaketa martxan da, eta aurkeztu diren lanen artean epaimahaiak 20 artista aukeratu ditu, tartean Orioko eta Zarauzko lau gaztez osatutako Ithaka taldea. Orain, finalerako bozketa-epea zabaldu dute azaroaren 21era arte (goizeko 9:30etan), eta talde bozkatuenek eta epaimahaiak aukeratutako talde eta bakarlariek zuzenean joko dute abenduaren 1ean egingo den emanaldi batean. Zuzeneko emanaldi horretan oinarrituta erabakiko dute epaimahaiko kideek nor izango den Gaztearen Maketa Lehiaketaren irabazlea.
Ithaka taldea duela urtebete sortu zen, eta Orioko eta Zarauzko 18 urteko lau gaztek osatzen dute. Gaztea Maketa Lehiaketan egindako aurkezpenean azaldu dute pop-rock musika egiten dutela, baina ez diotela beren estiloari mugarik jarri nahi.