Ibon Oregi kirolariak hitzaldia emango du Orioko Kultur Etxean, hilaren 8an

Aiora LarraƱaga Solaberrieta 2023ko ots. 1a, 10:55
Ibon Oregi surf ohola eskuan duela. (Jabi Gonzalez Toston)

Kirolaz Haratago erakusketari amaiera emango dio Oregik hitzaldiarekin, eta bere kirol-ibilbidearen errepasoa egingo du, otsailaren 8an, asteazkenean, 18:00etan hasita.

Urtarrilaren 25etik ikusgai da Orioko Kultur Etxean Kirolaz Haratago, Gipuzkoako Kirol Egokituen Federazioak azken urtetan egin dituen txapelketa eta jardunaldietako argazkiak biltzen dituen erakusketa. Hilaren 9an itxiko ditu ateak, baina horren aurretik, ekimena borobiltzeko, Ibon Oregi triatleta ohiak hitzaldia emango du Orioko Kultur Etxean. Hilaren 8an izango da, asteazkenarekin, 18:00etan hasita, eta bertan bere kirol-ibilbidearen errepasoa egingo du. Izan ere,  Ibon Oregik triatloiak egiten zituen, eta Getaria eta Zumaia artean entrenatzen ari zela, auto batek harrapatu zuen eta hanka galdu zuen. Geroztik, bere buruaren mugak gainditzen dihardu Oregik, eta surfa praktikatzen du, besteak beste.

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 40 euro besterik ez dira!


Izan zaitez KARKARAko laguntzaile!