Emakumeen eskubideen aldeko borrokak Orion izan duen ibilbidea jasotzen duen dokumentala aurkeztuko du Pertzetik elkarteak, ostiralean, Etxeluze gaztetxean, Orioko genealogia feministak izenburupean. 18:30ean emango diote hasiera proiekzioari, eta ondoren, solasaldia izango da dokumentaleko protagonistekin.
Aizpea Esnaolak, Miriam Garciak eta Eider Goiburuk ondu dute dokumentala, eta herriko mugimendu feminista osatu duten hiru olatuetako kideek parte hartu dute bertan; hala, lana osatzeko emakumeei binaka elkarrizketak egiteaz gain, belaunaldien arteko elkarrizketak ere jaso dituzte, etorkizuneko helburuez hausnartuz.