Bi domina eskuratu dituzte oriotarrek Katalunian jokatu den aulki mugikorreko txapelketan

Andrea Zipitria 2023ko mar. 20a, 16:03

Skiff bakarkakoan hartu du parte, 23 urte azpiko mailan, Koxme Burutaranek, eta urrezko domina lortu du; emakumezkoen jubenil mailako lemazainik gabeko bikoan lehiatu da Haizea Gozategi. Azken honek, brontzezko domina lortu du.

Orio Arraunketa Elkarteko Koxme Burutaranek urrezko domina lortu du Banyolesen (Katalunia) jokatu den aulki mugikorreko txapelketan. Skiff bakarkakoan hartu du parte, 23 urte azpiko mailan eta garaipena lortu du 07:17,20 denborarekin.

Bestalde, Haizea Gozategi ere bertan izan da, eta brontzezko domina eskuratu du emakumezkoen jubenil mailako lemazainik gabeko bikoan, June Baldarekin (Astigarraga) batera. Haizea Gozategi Donostiako Ur Kirolak taldean dabil arraunean.

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 40 euro besterik ez dira!


Izan zaitez KARKARAko laguntzaile!