Baratzean ditugun barazkietatik haziak nola lortu eta ondoren hazitegian nola zaindu ikasteko tailerra antolatu du Furgobaratzak. Ostegunean eskainiko dute saioa, Orioko Baratze Parkean, eta baratzetako erabiltzaileez gain interesa duen orok izango du parte hartzeko aukera.
Hazien eta hazitegien inguruko saioaz gain, Furgobaratza zerbitzua ere egongo da arratsaldean zehar: baratzeko gaien inguruko aholkularitza eskainiko dute eta baita hazi ekologikoen inguruko informazioa eman ere. Horrenbestez, Baratze Parkean elkartuko dira ostegunean, 18:00etatik 19:30era, eta sarrera doakoa izango da.