Herriko emakume talde batek eta Saregile Emakumeon Etxeak lehiarik gabe emakumeak eskubaloian jolas dezaten entrenamenduak antolatu nahi dituzte, eta astelehenerako bilera informatiboa deitu dute. Iaz, Orio Eragin eskubaloi klubak Mugarik Ez saioak antolatu zituen emakumeak eskubaloira gerturatzeko asmoz, eta bertan parte hartutako hainbat emakume bildu dira, eta ikasturtean zehar lehiarik gabe eskubaloian jolasteko Betegazte ekimena sortu dute. Gaur arratsaldean egingo dute bilera irekia, 17:30ean Saregile Emakumeon Etxean, proiektuaren berri emateko.
Entrenamenduak, berriz, astelehenetan eta ostiraletan izango dira: Astelehenetan 17:15etik 18:15era Zaraguetan, eta ostiraletan 15:30etik 16:30era kiroldegian.
Proiektuan interesa duten emakumeak bileran parte hartzera animatu dituzte.