Gabonetan janari osasungarria sustatzeko sukaldaritza tailerra antolatu du Ostargi elkarteak

Andrea Zipitria 2023ko aza. 2a, 09:00

Guztira lau saio izango dira, eta Maite Gogenola nutrizionistak gidatuko ditu. Parte hartzeko, aurrez izena eman beharko da. Gabonen ataria den honetan, "sukaldaritza eta osasuna lotzeko moduak" erakustea da tailerraren helburua.

Ostargi elkarteak antolatuta, sukaldaritza tailerra izango da datozen hiru hilabeteetan. Gabonak gertu direlaren aitzakiarekin, "sukaldaritza eta osasuan lotzeko moduak" erakustea da tailerraren helburua.

Guztira, lau saio eskainiko dira, Toki-Alai elkartean ondorengo egunetan: azaroak 1o, azaroak 17, azaroak 24 eta abenduak 1. Saio bakoitzak bi orduko iraupena izango du, 16:00etatik 18:00etara, eta Maite Gogenola nutrizionistak gidatuko ditu.

Parte hartzeko, beharrezkoa da aurrez izena ematea, 699 20 44 94 edo 605 74 86 67 telefono zenbakietako batera deituta, edota, ostargielkartea@gmail.com helbidera mezu bat idatzita. 35 euroko kostua izango du tailerrak.

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 40 euro besterik ez dira!


Izan zaitez KARKARAko laguntzaile!