Urriaren 20tik erabilgarri dago Orioko skate parke berritua, eta udalak irekiera ofizialerako data ere jarrita zeukan: larunbat hau. Egun osoko festa aurreikusita zeukan, baina eguraldi txarra tarteko, inaugurazio festa bertan behera uztea erabaki du gaur bertan. Oraingoz, data berririk ez du jarri.
Uztailetik urrira aritu da udala eraberritze lanak egiten hondartzako bidean, errio ondoan dagoen gunean, eta lanengatik jarritako hesiak kendu orduko gozatu dute instalazio berriez adin guztietako herritarrek; haurrek, bereziki.