Beñat Gereka getariarraren Itsasoak pizten gaitu dokumentala etzi proiektatuko da Orion. 19:00etan jarri dute hitzordua, kultur etxean, eta sarrera doakoa izango da. Herriak itsasoarekin duen lotura aztertzen du ikus-entzunezkoak.
2022ko irailaren 2an aurkeztu zuen Gerekak lana, eta geroztik ikusgai izan da Donostiako Itsas Museoan, Zarauzko Modelon, Zestoan eta Durangoko Azokan, besteak beste. Dokumentalak, gainera, Cinema Cocina saileko ikusleen saria eskuratu zuen Malagako Zinema Jaialdian.
Xabier Sukia oriotarrarenak dira testuak eta ahotsa, eta Iñigo Expositok ere parte hartu du ikus-entzunezkoan.