Urteroko ohiturari jarraituz, Herrio natur taldeko kideek Euskal Herriko zuhaitzen haziak banatuko dituzte bihar, herriko plazan. 11:00etan jarriko dute mahaia, eta han egongo dira 13:30ak arte.
Ekimenaren helburua da herritarrak sentsibilizatzea bertako zuhaitz espezieak zaintzeak duen garrantziaren inguruan. Hala, herritarrek zuhaitz-hazi horiek etxean ereitea eskatu dute eta, landaretxoa sortzen denean, kanpoan landatzea, toki egoki batean.
Hain zuzen ere, ondorengo Euskal Herriko zuhaitzen haziak banatuko dituzte: lizarra, gaztaina, artea, haritza, elorri zuria, gorostia, astigarra…