22. Korrikan herritarrek ateratako argazkiak jaso nahi ditu Karkara.eus-ek

Karkara.eus 2022ko api. 5a, 09:11

Korrikaren 22. edizioko uneren batean, han edo hemen, oriotarrek ateratako argazkiak jaso nahi ditu Karkarak, bilduma bat osatzeko. Egitasmoa bukatu bitartean, orio@ukt.eus helbide elektronikora bidal ditzakete herritarrek irudiak.

Martxan da 22. Korrika, eta hiru egun baino ez dira gelditzen Oriotik igarotzeko. Dagoeneko Euskal Herriko txokoren batean izan zarela euskararen alde lasterka egiten? Ostiralean Orion egingo duzula korrika? Une horiek guztiak jaso nahi ditugu, eta horretarako, zuen laguntza behar du Karkara.eus-ek.

Karkarak argazki bildumak eta bideoak egingo ditu ostiralean, Korrika Oriotik igarotzen denean, baina herritarrek bidalitako irudien bilduma bat ere osatu nahi du. Horrenbestez, euskararen aldeko egitasmoaren aurtengo edizioa bukatu bitartean ateratako argazkiak orio@ukt.eus helbide elektronikora bidal ditzakete herritarrek.

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 40 euro besterik ez dira!


Izan zaitez KARKARAko laguntzaile!