Azaroaren 18tik abenduaren 2ra egin da aurtengo Euskaraldia, eta epe horretan, Hitzez Ekin Euskaraldian galdera-erantzunen jolasa jarri zuen martxan KARKARAk, Orioko Euskaraldiko batzordearekin elkarlanean, Euskaraldiari bultzada emateko. Hainbat herritarrek parte hartu zuten jolasean, eta galdera guztiak zuzen erantzun zituzten herritarren artean, Euskaraldiko produktuen sorta eta urtebeteko Hitzakide harpidetza zozkatu zituzten –Euskaraldiaren saria– , eta parte hartzaile guztien artean, berriz, Errigoraren saski bat –KARKARAren saria–. Maialen Etxeberriak irabazi zuen Euskaraldiaren saria, eta Elene Indok KARKARArena. Irabazleek atzo arratsaldean jaso zituzten sariak.
Euskaraldiaren harira, galdera-erantzunen lehiaketa jarri zuen martxan KARKARAk, Euskaraldiko batzordearekin elkarlanean. Maialen Etxeberriak jaso du Euskaraldiaren saria, eta Elene Indok KARKARArena.
KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 40 euro besterik ez dira!
Izan zaitez KARKARAko laguntzaile!
