Udal eta foru hauteskundeak 2023

Foru bozetan ere, EH Bildu izan da lehen indarra Orion eta EAJ Aian

Julene Frantzesena 2023ko mai. 29a, 12:23
Foru bozetako Orioko eta Aiako emaitzak, grafikoan.

Orion EH Bilduk eskuratu ditu bozen %54,26 (1,611 boto), eta EAJk, berriz, bozen %34,79 (1.033 boto). Aian jeltzaleek botoen %47,53 jaso dituzte (472 boto), eta EH Bilduk, bere aldetik, bozen %42,8 (425 boto). Urola Kostan, Deba-Urola barrutian eta Gipuzkoan EH Bilduk jaso ditu boz gehien.

Gipuzkoan bezalatsu, Batzar Nagusietarako hauteskundeetan ere EH Bildu izan da nagusi Deba-Urola barrutian. Urola Kostan ere EH Bilduk jaso ditu boz gehien, baita Orion ere; Aian, berriz, udal hauteskundeetan bezalaxe, EAJ izan da nagusi. Beraz, udal bozetako joera berbera errepikatu da foru hauteskundeetan ere.

Orion EH Bilduk eskuratu ditu bozen %54,26 (1,611 boto), eta EAJk, berriz, bozen %34,79 (1.033 boto). PSE-EEk botoen %5,22 (155 boto) jaso ditu foru hauteskundeetan, Elkarrekin Podemosek %2,56 (76 boto), PPk %1,15 (34 boto) eta Stopek %0,54 (16 boto). Aian, berriz, EAJ izan da nagusi foru hauteskundeetan ere. Jeltzaleek botoen %47,53 jaso dituzte (472 boto), eta EH Bilduk, bere aldetik, bozen %42,8 (425 boto). Bi alderdi horiekiko alde nabarmenarekin, baina Elkarrekin Podemos izan da hirugarren indarra, botoen %3,02 pilatuta, eta laugarrena, berriz, Stop botoen %2,32 jasota (23 boz). PSE-EEk botoen %1,91 eskuratu ditu Aian (19 boto) eta PPk botoen %1,31 (13 boto).

Urola Kostan, berriz, botoen %45,36 jaso ditu EH Bilduk (16.477 boto), eta bozen %40,05, aldiz, EAJk (14.548 boto). PSE-EEk, berriz, bozen %6,99 eskuratu ditu (2.437 boz), Elkarrekin-Podemosek %3,37 (1.224 boto), PPk %2,11 (765 boto) eta Stopek %0,46 (166 boto). Ondorioz, eskualdeko herri gehienetan ere EH Bildu izan da indar bozkatuena, baina izan dira salbuespenak ere: EH Bilduk jaso ditu boto gehien Aizarnazabalen, Azpeitian, Errezilen, Getarian, Orion, Zestoan eta Zumaian; EAJk, aldiz, Aian, Azkoitian eta Zarautzen. Beizaman, baina, udal bozetan Aurrena Beizama Bai izan da bozkatuena, eta EH Bildu, berriz, foru hauteskundeetan.

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 40 euro besterik ez dira!


Izan zaitez KARKARAko laguntzaile!