Donostiako bidean da Ubegun industriagunean bildu den traktore ilara

Andrea Zipitria 2024ko mar. 1a, 10:17

Gipuzkoako baserritarrek, EHNE eta ENBA sindikatuek eta Baso Elkarteak mobilizatzeko deia egin dute, gaur, traktoreak bidera ateratzeko. Gipuzkoako puntu ezberdinetatik hiru traktore ilara ziren abiatzekoak, eta batek abiapuntu izan du Aiako Ubegun industriagunea. 09:00etan zuten hitzartuta ordua, baina dezente lehenago iritsi dira asko. Urola Kostako herri guztietatik iritsi dira bertara.

Ubegun industriagunea txiki geratu da gaur goizeko lehen ordu hauetan. Izan ere, Gipuzkoako baserritarrek, EHNE eta ENBA sindikatuek eta Baso Elkarteak mobilizatzeko deia egin dute gaur, eta hiru traktore ilara ziren abiatzekoak Gipuzkoako puntu ezberdinetatik; horietako traktore ilara batek abiapuntu izan du Aiako Ubegun industria. 9:00etan zuten jarria hitzordua, baina dezente iritsi dira ordua baino lehenago. Zenbateko zehatza esatera ausartu ez diren arren, Urola Kostako herri ezberdinetakoak elkartu direla azaldu dute antolatzaileek. Besteak beste, Baserria bizirik; Baserritarrak ez etorkizunik ez; Gure baserriak zure elikadura denon etorkizuna gisako mezuak irakurri zitezkeen pankartetan.

Donostia bidean da jada traktore karabana. Hiria zeharkatuko dute beren egoera salatu eta aldarrikapena zabaltzeko, eta ondoren Miramonera igoko dira, Bartzar Nagusien egoitzara. Bertan manifestuaren irakurketa egingo dute, eta dokumentua Gipuzkoako alderdi politiko guztietako ordezkariei helaraziko diete.

Erlazionatuak

Eskualdeko traktore karabana Aiatik abiatu da Donostiara

Andrea Zipitria - Andoni Elduaien mar 01 Aia

KARKARAk zu bezalako irakurleen babesa behar du aurrera egiteko. Orain arte bezala, kalitatezko eduki libreak eskaini nahi dizkizugu. Euskaraz informatzea da gure eginkizuna, eta zure eskubidea. Izan zaitez KARKARAko laguntzaile, urtean 40 euro besterik ez dira!


Izan zaitez KARKARAko laguntzaile!